杨明、张振朗、蔡思贝、邓佩仪、何依婷和吴家乐等昨日现身电视城为剧集《机场特警》宣传，一众演员即场做运动展体能。剧中扮演好兄弟的杨明和张振朗搞还当着记者面前“胸袭”对方，张振朗说：“我B（级）佢就C（级）。好多网民讲话有张振朗，就搞到好似HeHe情咁。”谈到日前一场帮张振朗捽背戏，杨明笑说：“佢背肌好劲，搞到我手指唔够力，要改用手踭去按！”
原来每集开场短片，扮演“童年”的小朋友，正是张振朗真正姪仔。谈到荣升“星叔”，他谓：“好多网民都发现咗，我觉得佢同我似样，况且想畀佢见吓世面。（佢好好戏喎。）如果跟佢学，我就唔会演得咁衰啦。（佢有片酬？）有，我冇收佢（钱），佢父母有冇我就唔知！”
至于杨明于戏中与何依婷的捽大髀戏，女友庄思明并未有打烂醋埕。日前二人在家庆祝拍拖4周年，杨明表示：“由于疫情关系，所以叫外卖。嗰日系我哋第1次拍片，有待改进。”
蔡思贝与邓佩仪落力为剧集《机场特警》宣传。戏中思贝似足女铁人，开工期间不时受伤，她将伤势拍下，加上剧中深刻片段，计划以日记形式上载到社交平台分享。她更笑说：“好似拍亲剧集唔系丧跑、畀车撞，就系着住高踭鞋劈友，大家都笑我辛苦命，不过依家我仲应付得到嘛。呢啲系阶段性嘅嘢，过咗呢个年纪可能就要演其他嘢角色。”谈到眼伤，她指已近康复，预计再滴数天眼药水便成。
邓佩仪则难忘日前播出一场山上受训戏：“拍嘅时候得10几度，仲要着住短袖衫、裤，镜头后着羽绒都觉得冻。”她于台上透露为拍摄其中一场喊戏，自己闭气准备入戏，搞到脑部缺氧，手指抽筋，令台前幕后相当紧张：“其实拍戏我想真做，所以就谂到咁样帮自己入戏，所以已经唔系第一次有咁嘅反应，但呢次严重咗连手指都摊唔直。”
预览时标签不可点收录于话题#个上一篇下一篇